ചൊല്ലായ്മകള്‍ - ചേറുശ്ശേരി അനിയന്‍ വാരിയര്‍
മോന്താനിരുന്ന നായരുടെ
മോന്തക്കിട്ടൊരു കുത്ത്
മോന്തമുറിഞ്ഞ മന്തന്‍നായര്‍
മോന്തിക്കള്ള് മോന്തീല .
- - - - - - - - -
കെട്ടാനിരുന്നൊരു പുംഗവനും
കെട്ടാതിരുന്ന പയോധരയും
കെട്ടുനടത്തുവാന്‍ കൂട്ടുകാരും
കേട്ടറിഞ്ഞെത്തിയ നാട്ടുകാരും !
- - - - - - - - - - -
മലകളിളകിലും മഹാജനാനാം മലമിളകാ !
- - - - - - - - - - - - - - - - -
ഉണ്ണ്യെക്കണ്ടാലറിഞ്ഞൂടെ ഊരേലെ പഞ്ഞം !
- - - - - - - - - - - - - - - -
ഉന്തിയുന്തിനടകൊണ്ടിടുംവിധം
ചന്തമേറിയൊരു ചന്തിയുഗ്മവും .
- - - - - - - -- - - - - - - - - - - - - -
വിറകെടുത്താന്‍ വിറകെടുത്തു
വിറകെടുത്ത് വിറകെടുത്തു
- - - - - - - - - - - - - - - - -
ഉണ്ണിനമ്പൂരിക്കു നാളുതെറ്റി
ഉണ്ണായിവാരിയര്‍ പുഞ്ചിരിച്ചു
ഉണ്ണിക്കിതെങ്ങിനെ പറ്റിയെന്ന്
ഉണ്ണൂലിയമ്മക്കതിശയമായ് .
- - - - - - - - - 2 - - - - - - - - -
ഇന്ദ്രനെ വെന്നവന്‍ വേന്ദ്രനെങ്കില്‍
വേന്ദ്രനെ വെന്നവന്‍ ആര് , കുഞ്ഞേ ? .
- - - - - - - - - - - - - - - - - -
മുക്കി - മുക്കി പ്രദായിനീ , ദേവീ
- - - - - - - - - - - - - - - - - -
അകന്നരോഗങ്ങളടുത്തുകൂടാന്‍
വരംതരേണേ , ഗുരുവായുരപ്പാ !
- - - - - - - - -- - - - - - - - - - -
ഇടവപ്പാതി പിറന്നിട്ടും
മഴപെയ്യാത്തതെന്തെടോ ?
മുല്ലേപ്പള്ളി എളേത്
പല്ലുതേക്കായ്ക കാരണം
- - - - - - - - - - - - - - -
സുരാപാനം മഹാാപാനം
സുരാദാനം മഹാാദാനം
- - - - - - - - - - - - - - -
മുപ്പതു യൂറോ ശമ്പളത്തിന്
ദൈവപുത്രനെ ഒറ്റിയതാര് ?
ഞാനോ , നീയോ , അവനോ ??
- - - - - - - - - - - - - - - - -
സുര കഴിച്ചവരാണുസുരന്മാര്‍
സുര ഒഴിച്ചവാരാണസുരന്മാര്‍ .
- - - - - - - - - - - - - -- - - - - -
കുറുക്കന്‍ തറയിലെ ക്യട്ടിക്കൊമ്പന്‍
കൊച്ചമ്മാമാരുടെ കുഞ്ഞിക്കൊമ്പന്‍
കുമ്പകുലുക്കിനടന്നു കൊമ്പന്‍ ...
കൊച്ചുമാലാഖ കൊതിനുണഞ്ഞു !
- - - - - - - - - - - - - - - - - - - - -
പന്ത്രണ്ട് കവികളെക്കണ്ട നായര്‍
നിന്റെ കവികളില്‍ ഞാനാണ് മൂഢന്‍
പന്ത്രണ്ടുയാമം കുരച്ചിടുന്നാ
പേപ്പട്ടി ഞാനാണനാമന്‍
-- - - - - - - - - - - - - - -
ആണ്‍ - പെണ്‍ ഭേദമില്ലാതെ
കത്തി , കുപ്പി കൈകളില്‍ ...
മെക്കട്ടുകേറ്റം , അസഭ്യവര്‍ഷം ...
ഏതത് വിദ്യാര്‍ഥിലക്ഷണം !!!
-- - - - - - - - - - - - - - - - - -
കണ്ണു കുത്തിതുരന്നുരസിക്കുവാ
കണ്ണില്‍ കരിയുന്ന ഗംഗവീഴ്ത്താന്‍
കണ്ണുകരുടരെ ലാത്തിവീശാന്‍
എന്തിനും ഏതിനും നേമമുണ്ട് !
- - - - - - - - - - - - - - - - - - - - -
എന്തുഞാന്‍ നല്‍കുമെന്‍ പിന്മുറക്ക്‌ ?
മാറാലമൂടിയ ജീര്‍ണ്ണമസ്തിഷ്കമോ ...
വറ്റിവരണ്ടൊരെന്‍ തൂലികയോ ...
എന്തുള്ളു നല്‍കുവാനെന്റെകൈയ്യില്‍ ??
- - - - -- - - - - - - - - - - - - - - -
ആചാര്യന്‍ പാദമുയര്‍ത്തുമ്പോള്‍
തന്‍പാദം ശിഷ്യനും സ്വയം .
മൂന്നാം പാദം സഹപാഠികളും
അന്ത്യപാദം കാലത്തിനാണാലോ !
[ आचार्यात् पादमादत्ते / पादं शिष्यस्वमेधया l
पादं सब्रह्मचारीभ्य: / पादं कालक्रमेणतु ll ]
- - - - - - - - - 3 - - - - - - - -
കരുവന്നൂര്‍പുഴയുടെ അക്കരെയായ്
കൌതുകമേകും കുതൂഹലങ്ങള്‍
കീശേല് കനമായി കാശുണ്ടെങ്കില്‍
കേറിക്കിടക്കുവാന്‍ മാര്‍ദ്ദമെത്ത !
- - - - - - - - - - - - - - - - - -
ആലപ്പുഴയിലെ ആല്‍ത്തറയില്‍
ആലില്ല : എങ്കിലും എത്ര ആള്‍ക്കാര്‍ !
ആളിമാരൊത്തു ലസിച്ചിടുന്ന
അല്ലിയെ ദര്‍ശിച്ചു കണ്‍കുളിര്‍ക്കാന്‍ ! !
- - - - - - - - - - - - - -- - - - - - -
കൊച്ചികണ്ടവനച്ചിവേണ്ടതപോല്‍
കൊച്ചികണ്ടതും ഞാനോടി എന്റ --
ച്ചിയെ കാണാന്‍ എന്‍വീട്ടിലേക്കഹോ
കൊല്ലത്തുപോകുവാന്‍ ഭയമാണെനിക്ക്
മറ്റേചൊല്ലും പൊളിയുമല്ലോ എന്നോര്‍ത്ത്
- - - - - - - - - - - - - - - - - -
' അരിയെത്തി ' എന്നാല്‍ അവസാനിച്ചു ,
' ജീവിതം തീര്‍ന്നു ' എന്നായിരുന്നു അര്‍ഥം
ഇന്ന്‍ അതിന്റെ അര്‍ഥം എന്താണന്നോ ...
ആന്ധ്രയില്‍നിന്നും അരിവണ്ടി എത്തീന്ന് !
- - - - - - - - - - - - - - - - - - - - - -
ഓണത്തിന് കേരളം ഒരുങ്ങിക്കനില്‍പ്പൂ :
കായയും പഴവും തമിള്‍നാട്ടില്‍നിന്ന്
പാലും തൈരും കര്‍ണ്ണാടകയില്‍നിന്ന്
അരിക്ക് ആന്ധ്ര ... പിന്നെ ... പിന്നെ ...
- - - - - - - - - - - - - - - - - -- - - - -
യുദ്ധക്കുറ്റവാളി ആര് ?
തോറ്റവര്‍ : അല്ലാതാര് ? ?
- - - - - - - - - - - - - - -
ചാവാന്‍ മാത്രമാണ് ജനിച്ചതെന്നോ ?
അതെ , നൂറു അവിശ്വാസികളെയെങ്കിലും
കൊന്നതിനുശേഷം ഞാനും മരിക്കും !
- - - - - - - - - - - - - - - - - - - -
പാവങ്ങളെ ഉദ്ധരിച്ചുദ്ധരിച്ചുദ്
തന്റെ ' ഉദ്ധാരണം ' തീരുന്നില്ലല്ലോ !
ഇതൊന്നടങ്ങാന്‍ ഇനി എന്തുചെയ്യണം ??
- - - - - - - - - - - - - - - - - - - -
കുതിപ്പോടെ തുടങ്ങി ; ക്ഷണംതന്നെ കിതപ്പായി ..
ചിരിയടക്കിമൊഴി : ' സാരമില്ല , പിന്നീടാകാലോ ' !
Comments
Devi Saraswathy
by Sudhir Panikkaveetil, New York on 2016-02-07 06:34:14 am
"വിറ കെടുത്താൻ വിറകെടുത്തു .. രണ്ടു വരിയെക്കാൾ കൂതുതലുണ്ടല്ലോ? അതോർമ്മയുണ്ടോ? ത്രുശ്ശൂരിലെ തിരുവുള്ളക്കാവ്
ക്ഷേത്രവുമായി ഒരു ഐതിഹ്യത്തിൽ
ഇത് പരാമർശിച്ചിട്ടുണ്ട്.
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
