തിരുവനന്തപുരം: രമേശ് ചെന്നിത്തല പ്രതിപക്ഷ നേതാവാകും. വെള്ളിയാഴ്ച രാവിലെ ഉമ്മന് ചാണ്ടി, കെ.പി.സി.സി പ്രസിഡന്റ് വി.എം സുധീരന്, രമേശ് ചെന്നിത്തല എന്നിവര് തമ്മില് നടത്തിയ ഉഭയകക്ഷി ചര്ച്ചയിലാണ് ഈ ധാരണയിലെത്തിയത്.
ഞായറാഴ്ച ചേരുന്ന കോണ്ഗ്രസ് പാര്ലമെന്ററി പാര്ട്ടി യോഗം രമേശ് ചെന്നിത്തലയെ നേതാവായി തിരഞ്ഞെടുക്കുന്നതോടെ അദ്ദേഹം പ്രതിപക്ഷനേതൃ സ്ഥാനത്ത് അവരോധിക്കപ്പെടും. പാര്ലമെന്ററി പാര്ട്ടി യോഗത്തില് ഉമ്മന് ചാണ്ടി തന്നെ ചെന്നിത്തലയുടെ പേര് നിര്ദേശിക്കും. തുടര്ന്ന് ഐകകണ്ഠേന തിരഞ്ഞെടുപ്പ് പൂര്ത്തിയാക്കാനുമാണ് ധാരണ. യു.ഡി.എഫിലെ ഘടകകക്ഷികള്ക്കിടയിലും ചെന്നിത്തലയെ നേതാവാക്കുന്ന കാര്യത്തില് ധാരണയായിട്ടുണ്ട്. തിരഞ്ഞെടുപ്പിലെ തിരിച്ചടിയുടെ ഉത്തരവാദിത്വം ഏറ്റെടുത്ത ഉമ്മന് ചാണ്ടി പ്രതിപക്ഷനേതാവാകാനില്ലെന്ന് നേതൃത്വത്തെ അറിയിച്ചിരുന്നു.
പുതുതായി തിരഞ്ഞെടുക്കപ്പെട്ട കോണ്ഗ്രസ് എം.എല്.എമാരില് ഐ ഗ്രൂപ്പിന് മേധാവിത്വമുള്ളതും രമേശിന് കാര്യങ്ങള് എളുപ്പമാക്കി. എന്നാല് യു.ഡി.എഫ് ചെയര്മാനായി ഉമ്മന് ചാണ്ടി തന്നെ തുടരും. പ്രതിപക്ഷനേതാവാകുന്നയാള് തന്നെ യു.ഡി.എഫ് ചെയര്മാനാകുന്നതായിരുന്നു ഇതുവരെയുള്ള രീതി. ഉമ്മന് ചാണ്ടിയുടെ വിശ്വസ്തനായ കെ.സി ജോസഫ് പ്രതിപക്ഷ ഉപനേതാവുമാകും.
Comments