കോട്ടയം: തകര്‍ച്ചനേരിടുന്ന റബര്‍ മേഖലയ്ക്ക് വന്‍ പ്രഹരമേല്‍പ്പിച്ചുകൊണ്ട് ആസിയാന്‍ അംഗരാജ്യമായ മലേഷ്യയില്‍ നിന്നും ഇന്ത്യ-മലേഷ്യ സംയോജിത സാമ്പത്തിക കരാറുപ്രകാരം വിവിധ റബറധിഷ്ടിത ഉല്പന്നങ്ങളുടെ ഇറക്കുമതിത്തീരുവ പരിപൂര്‍ണ്ണമായി എടുത്തുകളഞ്ഞ് 2016 ജൂണ്‍ 21ന് എക്‌സൈസ് ആന്റ് കസ്റ്റംസ് ഡിപ്പാര്‍ട്ട്‌മെന്റിനുവേണ്ടി കേന്ദ്ര ധനമന്ത്രാലയം പുറപ്പെടുവിച്ചിരിക്കുന്ന നോട്ടിഫിക്കേഷന്‍ കാര്‍ഷികമേഖലയില്‍ വന്‍ പ്രതിസന്ധി സൃഷ്ടിക്കുമെന്നും വരുംനാളുകളില്‍ രാജ്യാന്തര കാര്‍ഷിക ഉല്പന്ന കമ്പോളമായി ഇന്ത്യ മാറുമ്പോള്‍ കാര്‍ഷികോല്പാദന മേഖല തകരുമെന്നും ഇന്‍ഫാം ദേശീയ സെക്രട്ടറി ജനറല്‍ ഷെവലിയര്‍ അഡ്വ.വി.സി.സെബാസ്റ്റ്യന്‍ പറഞ്ഞു.
ആസിയാന്‍ രാജ്യങ്ങളുമായി ഇന്ത്യയ്ക്ക് സ്വതന്ത്രവ്യാപാരക്കരാറുണ്ട്. ഇതരരാജ്യങ്ങളുമായി സംയുക്ത ഉടമ്പടികള്‍ വേറെയും. സെപ്തംബറില്‍, പത്ത് ആസിയാന്‍ രാജ്യങ്ങളും ഇന്ത്യ, ചൈന, ന്യൂസിലാന്റ്, ഓസ്‌ട്രേലിയ, ജപ്പാന്‍, സൗത്ത് കൊറിയ തുടങ്ങിയ രാജ്യങ്ങളും സംയുക്തമായി റീജിയണല്‍ സംയോജിത സാമ്പത്തിക പങ്കാളിത്ത ഉടമ്പടി ലാവോസില്‍ വെച്ചു ഒപ്പുവെയ്ക്കുകയാണ്. 2011ല്‍ യുപിഎ സര്‍ക്കാരിന്റ കാലത്ത് ആരംഭിച്ച ചര്‍ച്ചകള്‍ ഇതിനോടകം 12 റൗണ്ട് പൂര്‍ത്തിയായി. നികുതിരഹിത സ്വതന്ത്രവ്യാപാരമാണ് ഉടമ്പടി ലക്ഷ്യം വെയ്ക്കുന്നത്. നിയന്ത്രണമില്ലാത്തതും നികുതിരഹിതവുമായ ഉല്പന്ന ഇറക്കുമതിക്ക് ഇന്ത്യയുടെ കമ്പോളം തുറന്നുകൊടുക്കുമ്പോള്‍ വന്‍പ്രതിസന്ധിയിലാകുന്നത് ഇന്ത്യയുടെ കാര്‍ഷികമേഖലയും പ്രത്യേകിച്ച് കേരളത്തിലെ റബര്‍ കര്‍ഷകരുമാണെന്ന് വി.സി.സെബാസ്റ്റ്യന്‍ സൂചിപ്പിച്ചു.
പ്രകൃതിദത്ത റബര്‍ ഇന്ത്യയിലേയ്ക്ക് ഇറക്കുമതി ചെയ്യുന്നത് ആസിയാന്‍ രാജ്യങ്ങളില്‍ നിന്നുമാണ്. തായ്‌ലണ്ടില്‍ നിന്നുള്ള റബര്‍ ഇറക്കുമതി ഇരട്ടിയാക്കുവാന്‍ കേന്ദ്രസര്‍ക്കാര്‍ പച്ചക്കൊടികാട്ടിയത് ജൂണ്‍ ആദ്യവാരമാണ്. ഇന്ത്യ-മലേഷ്യ സംയോജിത സാമ്പത്തിക ഉടമ്പടിയുടെ ഭാഗമായാണ് റബറുല്പന്നങ്ങളുടെ നികുതി 40/2016 കസ്റ്റംസ് നോട്ടിഫിക്കേഷനിലൂടെ എടുത്തുകളഞ്ഞത്. ജൂലൈ മുതല്‍ നികുതി രഹിത ഉല്പന്ന ഇറക്കുമതി നിലവില്‍ വരും. ലോകവ്യാപാരക്കരാറില്‍ ബൗണ്ട് റേറ്റായി പ്രഖ്യാപിച്ചിരിക്കുന്ന പ്രകൃതിദത്ത അസംസ്കൃത റബറിന്റെ 25ശതമാനം ഇറക്കുമതിച്ചുങ്കം സംയുക്ത കരാറിലൂടെ എടുത്തുമാറ്റാവുന്നതാണ്. 25ശതമാനത്തില്‍ നിന്ന് ഇറക്കുമതി നികുതി പൂജ്യത്തില്‍ കൊണ്ടുവരുന്നതിന് അംഗരാഷ്ട്രങ്ങളുടെ അംഗീകാരം ആവശ്യമില്ല. വരുംനാളുകളില്‍ പ്രകൃതിദത്ത റബറിന്റെ നികുതിരഹിത ഇറക്കുമതിക്ക് സാധ്യതയേറുന്നതിന്റെ മുന്നോടിയാണ് കേന്ദ്രസര്‍ക്കാരിന്റ ഈ നോട്ടിഫിക്കേഷനെന്നും കര്ഷകദ്രോഹനടപടിയില് നിന്നും കേന്ദ്രസര്‍ക്കാര്‍ പിന്തിരിയണമെന്നും കഴിഞ്ഞ നാളുകളില്‍ ആസിയാന്‍ കരാറുകളെ പിന്തുണച്ചവര്‍ നിലപാട് വ്യക്തമാക്കണമെന്നും വി.സി.സെബാസ്റ്റിയന്‍ ആവശ്യപ്പെട്ടു.
ഫാ.ആന്റണി കൊഴുവനാല്‍
ജനറല്‍ സെക്രട്ടറി, ഇന്‍ഫാം
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
